Hvernig Operient varð til.
Saman höfum við reynslu af sölu, þjónustu, rekstri fyrirtækjakerfa, högun og stjórnarháttum.
Aftur og aftur sáum við sama vandann: gervigreind getur unnið verkin, en hún segir stjórnendum ekki í hvaða verkefnum er vit að fjárfesta, í hvaða röð eða á hvaða forsendum.
Þess vegna þróuðum við Operient: hugbúnað sem raðar tækifærum á sama grunni, skráir rökin að baki hverri tillögu og er uppfærður þegar aðstæður breytast.
Fólkið á bak við Operient.
Jóhanna Ríkarðsdóttir Færseth
Hannaði og þróaði Operient frá grunni og vinnur fyrsta ferlasviðið með viðskiptavinum. Hátt í tuttugu ár í fjármála- og tæknigeiranum, meðal annars með ábyrgð á rekstri og þróun stórra fyrirtækjakerfa. Sérþekking á stjórnun upplýsingaöryggis og eftirliti (ISO 27001).
Óðinn Thor Harðarson
Ber ábyrgð á tæknilegri högun Operient og heldur utan um getuyfirlitið, svo tillögurnar endurspegli það sem tæknin ræður við í raun. Uppfærir yfirlitið þegar tæknin breytist. Yfir tíu ár í upplýsingatækni, þar af sex í forystu fyrir högun fyrirtækjakerfa og gagna.
Operient ehf. er í eigu stofnenda og með aðsetur í Garðabæ.
Byrjið á einu ferlasviði.
Teymi Operient vinnur fyrsta matið með ykkur út frá ykkar eigin gögnum. Þið fáið skráða tillögu með væntum ávinningi, forsendum og skilyrðum fyrir framhaldi.